P5-M shabu kompiskado sa bigtime lady drug pusher

NAGA CITY – Aabot sa P5 milyon halaga ng shabu ang nakompiska sa isang babaeng bigtime pusher sa Daet, Camarines Norte kamakalawa.

Kinilala ang suspek na si Cherrelyn Estacio, 23, residente ng Kalimbas St., Sta. Cruz, Metro Manila.

Napag-alaman, magkatuwang ang Philippine Drug Enforcement Agency (PDEA)-Camarines Norte at Camarines Norte Police Provincial Office (CNPPO) sa isinagawang drug buy-bust operation na naging daan para mahuli suspek.

Napag-alaman, sa isang hotel naganap ang transaksyon ng suspek ngunit walang kaalam-alam na mayroon na palang informant na dumulog sa pulisya.

Nakakulong na ngayon sa Camarines Norte Provincial Jail ang suspek na sinampahan ng kasong paglabag sa RA 9165 o Comprehensive Dangerous Drugs Act of 2002.