61-anyos lola huli sa maraming armas

TACLOBAN CITY – Nahaharap sa kasong paglabag sa RA 10591 o illegal possesion of firearms ang isang lola nang mahulihan ng mga armas sa “Oplan Kalag-Kalag” ng mga awtoridad sa Pingang Ferry Terminal sa Isabel, Leyte kamakalawa.

Kinilala ang suspek na si Corazon Barola, re-sidente ng San Jose Prosperidad, Agusan del Sur.

Ayon kay Chief Insp. Randy Jongco, hepe ng Isabel, Leyte, mula sa Danao ang nasabing lola at balak sanang dalhin ang mga armas sa kanilang lugar sa Minda-nao.

Kuwento ng suspek, hindi ito ang unang beses na nagdala siya ng mga ilegal na armas.

Kabilang sa mga nakuha sa lola ang dalawang kalibre ng 9mm luger, dalawang kalibre .45, isang .357 revolver, isang . 22 revolver at ma-gazines.