Panaginip mo, Interpret ko: Mga patay sa panaginip

Gud am Señor,

Anne pho to ng Ortigas… lage poh q ngbabasa ng column niu about sa mga meaning ng panaginip. Nkkatulong poh kc tlga. Ask q lng poh kng ano poh meaning ng panaginip q n mga patay. Lage q poh kc nappnqginipan. Me nakita daw poh aqng plastic na may putol na katawan ng tao. Xna poh matulu-ngan niu q. Tnx poh (09469422442)

To Anne,

Ang panaginip ukol sa patay ay maaaring babala na may kaugnayan sa mga negatibong bagay at tao sa paligid mo na labis na nakaka-impluwensiya sa iyo. Ikaw ay nakikihalubilo sa maling grupo ng mga tao at ito ay maaaring magbunga ng material loss. Posible rin na nagsasaad ito na nami-miss mo ang mga malapit sa iyo at mga mahal sa buhay na sumakabilang buhay na. Sa kabilang banda, ang panaginip mo ay isang paraan din na nagiging daan upang maging outlet para mas makayanan ang sinapit na pagkawala ng minamahal sa buhay. Maaari rin na ang ganitong klase ng panaginip ay may kaugnayan sa trauma o takot na muling mangyari ang mapait na karanasang tulad nito o takot na mawalan muli ng mahal sa buhay. Posible rin naman na nagpapahiwatig ito na nakikihalubilo ka sa maling grupo ng mga tao, kaya dapat pag-isipan ito at maging maingat.

Kung sa panaginip naman ay nakitang may natanggal o naputol, maaaring pahiwatig o nagpapakita ito na hindi mo naipaparating ang iyong point of view, na ikaw ay hindi naiintindihan dahil sa putol na komunikasyon o relasyon. Alternatively, ito ay maaaring nagsasabi rin na pakiwari mo ay naputol ka o nahiwalay sa lipunan, sa iyong mga kaibigan, at sa pamilya mo o mga taong labis mong pinahahalagahan. Maaring ikaw ay nasa hindi magandang sitwasyon at hindi alam ang gustong gawin sa buhay mo, kaya kailangan mo ang mga taong malalapit sa iyo. Dapat na laging manalig sa iyong abilidad o kakayahan at sa kapangyarihan ng Diyos, sa mga pagkakataong may suliranin o kailangan ng patnubay.

Señor H.