Preso bubusbusin sa nilunok na pako at hikaw

NAGA CITY – Nakatakdang isailalim sa operasyon ang isang bilanggo makaraang lumunok ng ilang piraso ng hikaw at mga pako sa bayan ng Vinzons, Camarines Norte.

Kinilala ang suspek na si Lester Anivado, 27-anyos.

Napag-alaman, kamakailan lang nang ipasok si Anivado sa custodial facility ng Vinzons-PNP nang mahuli dahil sa kasong attempted murder.

Una rito, nagwala rin si Anivado sa kanilang barangay at sinaksak sa dibdib ang biktimang si Alex dela Peña, 52, gamit ang isang gunting.