P1.2-M alahas tinangay ng kasambahay

ARESTADO sa mga tauhan ng Manila Police District (MPD) ang isang kasambahay na nagnakaw ng P1.2 milyong halaga ng alahas ng kanyang amo sa Paco, Maynila kamakailan.

Kinilala ang suspek na si Eden T. Del Castillo, 21, stay-in sa Cluster 1, Unit 5L Garden sa Cristobal St., Paco ,at tubong Mapanag May-Anao, Tigaon, Camarines Sur.

Sa salaysay kay SPO4 Antonio Marcos ng MPD Theft and Robbery Section, ng biktimang si Marilou Padilla, 35, negosyante, ninakaw ng suspek ang kanyang mga alahas dakong 8:15 p.m. noong Oktubre 18, 2015.

Winasak aniya ng suspek ang aparador at nakuha ang nasabing alahas at tinangay din maging ang P100,000 cash.

Sa  follow-up operation nina SPO4 Roderick R. Tan, at PO3 Rodel Benitez, nadakip a ang suspek sa loob ng kanilang bahay sa Provincial Zone 7, Mapanag May-Anao, Tigaon, Camarines Sur, at nabawi ang mga ninakaw na mga alahas.