Kelot todas sa bus

DUROG ang ulo at katawan ng isang lalaki makaraang salpukin at magulungan ng isang bus habang tumatawid sa Caloocan City kahapon ng umaga.

Agad binawian ng buhay ang biktimang si Danilo Nolasco, 53, ng 1427 Matatag St., Brgy. 181, Pangarap ng nasabing lungsod.

Habang kusang-loob na sumuko sa mga awtoridad ang suspek na si Oscar Verterra, 58, ng Phase 10-B, Block 28, Brgy. 176 Bagong Silang, Brgy. 176 ng nasabing lungsod, nahaharap sa kasong reckless imprudence resulting in homicide.

Batay sa ulat ni SPO2 Edgar Quintos, traffic investigator, dakong 5:30 a.m. nang maganap ang insidente sa Quirino Highway, Brgy. 184, Bankers Village ng lungsod.

Binabagtas ng pampasaherong  Kamen Golden Dragon bus (UVH-587) ang nasabing lugar nang hindi mapansin ng driver ang tumatawid na si Nolasco dahilan upang matumbok at magulungan ang biktima.