Panaginip mo, Interpret ko: Gold coin at ahas sa dream

To Señor,

Sa drims q ay may nakita aq coins na gold, kuknin q sana kea lng ay may ahas dun, nagkalat ung balat nya, d q alam kng bantay, wat kea mening ni2, pagyaman po kea? Kol me Jojo, tnks dnt post my cp…

To Jojo,

Ang gold coins na nakita sa iyong bungang-tulog ay maaaring nagre-represent ng tagumpay at kayamanan. Subalit hindi naman ibig sabihin nito ay mayroon kang dapat hanapin na kayaman na ibinaon noon. Maaaring may mga bagay na nag-trigger upang managinip ka lang ng ganito. Hindi rin direktang matutukoy dito kung ikaw ay mananalo kung saan o yayaman, subalit kung magiging masinop, masipag at matiyaga sa trabaho, maaaring balang araw ay maging mayaman ka rin.

Ang ahas sa panaginip ay maaaring nagsasaad ng mga nakatagong fears at worries na labis na nagbibigay sa iyo ng alalahanin. Maaari rin na ito ay isang paalala sa ilang bagay sa estadong ikaw ay gising na hindi mo pa alam o hindi pa sumusulpot, subalit may malaking kaugnayan sa iyong buhay. Alternatively, ang ahas ay posible rin na isang sagisag ng temptation, at ng dangerous and forbidden sexuality. Dahil ikaw ay takot na takot sa ahas, maaaring nangangahulugan ito ng takot sa sex, intimacy o commitment. Ang ahas ay maaari rin namang sagisag ng isa o ilang tao sa paligid mo na hindi dapat pagkatiwalaan. Bilang positibong simbolo naman, ang ahas ay nagre-represent ng healing, transformation, knowledge at wisdom. Pati na rin ng self-renewal at positive change. Sa kabilang banda, ang balat ng ahas ay may kaugnayan sa protection from illnesses.

Señor H.