HATAW! D'yaryo ng Bayan hatawtabloid.com
HAVEY ang selebrasyon ni Gloc-9 sa showbiz dahil apat na araw ang concert niya sa Music Museum. Ito’y sa October 10, 17, 24, at 31 entitled Ang Kuwento ni Makata.
Marami na ang nag-aabang sa cocert ni Gloc-9 dahil ito lang ang masasabing solo concert niya talaga.
Marami na siyang mga hit song gaya ng Sirena, Upuan, Lando, Magdalena, at Wala ng Natira kaya dapat lang naman na mapanood siya sa isang konsiyerto.
Natawa kami sa tsikahan kay Gloc-9 dahil tinanong siya kung may experience na siya sa ‘Sirena’ sa 18 years niya sa showbiz?
“Iba po ‘yung landas na natahak ko, eh. Hindi po ako nalangoy sa dagat,” tugon niya kaya nagtawanan.
Gusto ba niya maka-experience?
“Marami pong salamat sa offer,” sey niya kaya nagtawanan ulit.
Anyway, sa bago niyang self-produced single na Payag, na kasabay ng unang araw ng 18 taong anibersaryo niya ngayong September inilabas, tila napapanahon din ito sa kalagayan ng bansa, na papalapit na ang 2016 election at maaari itong maging salamin ng bawat Pinoy sa kung ano ang pinaniniwalaan at gustong paniwalaan.
“Sa 18 years ko po sa larangan na ito, halos mahigit kalahati po niyon ang puhunan ko para matandaan ng tao ang aking pangalan. Ako po ay nagpapasalamat sa lahat ng kabaitan at suporta na ipinakita ng mga tao sa akin. Excited po at kabado rin sa series of shows na gagawin namin ngayong October pero at the same time, ito rin po ay aking pasasalamat para sa lahat ng tao na sumusuporta sa amin,” aniya.
Sa kabila ng tagumpay na tinatamasa ni Gloc-9, ni minsan ay hindi raw niya inisip na siya ay sikat na. At posibleng ‘yun ang formula sa tanong kung bakit siya naging matagumpay.
”Dasal po at ang palaging pagsabi sa aking sarili na ako ay mananatiling fan ng musika,” saad niya.
Sasamahan si Gloc-9 sa kanyang solo concert ng mga kaibigan niya sa industriya. Sa Oct. 10, special guest sinaAiza Seguerra, Bamboo, Jay Durias, Jennylyn Mercado, Kylie Padilla and Marc Abaya; Oct. 17—Chito Miranda, Ebe Dancel, Janno Gibbs, Jonalyn Viray and Rico Blanco; Oct. 24—Ebe Dancel, Jolina Magdangal, Ogie Alcasid, Regine Velasquez-Alcasid and Yeng Constantino; Oct. 31—Ebe Dancel, Jay Durias, Julie Ann San Jose and Kz Tandingan.
Regular guest naman sina Maya, Migz Haleco, Reese and Rochelle Pangilinan.
Mabibili ang tickets sa ticket world at 891.9999 and Music Museum at 721.0635/721.6726.
Sponsored by:Belo Medical Group, Be Belo Beautiful Today. Motortrade, Motorsiklo Sigurado, Alaga Ka Dito Guitar.
TALBOG – Roldan Castro
