PNP Bacarra apektado na ng sore eyes

LAOAG CITY – Lalo pang dumami ang mga nagkasakit ng sore eyes sa Ilocos Norte.

Napag-alaman, ilang kasapi ng Philippine National Police (PNP) sa bayan ng Bacarra ang apektado na rin ng nasabing sakit.

Katunayan, kabilang na sa mga apektado si Senior Inspector Jepreh Taccad, hepe ng PNP Bacarra.

Unang tinamaan ng sore eyes si Senior Police Officer Rufu Agas, chief investigator ng nasabing himpilan ng pulisya, at nagsunod-sunod na ang iba pang mga kasapi ng PNP-Bacarra.

Gayonman, umaasa si Taccad na bagama’t may sore eyes sila ay hindi maaapektuhan ang kanilang trabaho.