HATAW! D'yaryo ng Bayan hatawtabloid.com
Hindi naitago ni 2015 NBA MVP Stephen Curry ang kanyang pagiging fan ni Manny Pacquiao kasabay ng kanyang pagbisita sa Filipinas.
Bukod sa boxing, hinangaan din niya si Pacman sa pananampalataya sa Diyos na aniya’y hindi lamang nagbigay ng inspirasyon sa kapwa Filipino kundi maging sa mga taga San Francisco.
Tinawag pa ni Curry si Pacquiao na may “true heart of champion” at isang “family man”.
At dahil nagbabasketbol din daw si Pacman ay handa niyang turuan kung paano mag-jump shot ngunit dapat din daw na turuan siya ni Manny sa boxing.
Nasa bansa si Curry para sa promosyon ng kanyang iniindorsong sporting brand at pagkatapos nito ay agad na tutungo sa China.
Isa ang Filipinas na pinili ni Curry na puntahan makaraan ang Tokyo, Japan, at susunod ang China.
Ang pagdating sa bansa ni Curry ay kasunod nang pagbisita rin sa Filipinas ng NBA star na si LeBron James, Ricky Rubio at iba pa.
