HATAW! D'yaryo ng Bayan hatawtabloid.com
WALANG magawa si Sen. Chiz Escudero kung hindi respetuhin ang kagustuhan ng kaniyang magandang maybahay na si Heart Evangelista na hanggang dalawang supling lamang ang kaya niyang ibigay sa mister.
Pagbibiro ng senador, gustuhin man niyang lima ang maging anak nila ni Heart, iginagalang niya ang kahilingan ng misis na dalawa lamang ang kanilang maging mga anak upang matutukan at mabigyan nila ng pantay na atensIyon ang mga ito, kasama ang mga kambal na anak ni Senator Chiz.
Binabalak na ng mag-asawa na magkaroon sila ng anak sa susunod na taon matuloy man o hindi ang pagtakbo ni Chiz sa mas mataas na posisyon sa halalan sa 2016.
“Siguro, next year pa. Balak namin siguro, hanggang dalawa lang. Iyon ang gusto niya,” sabi ni Chiz sa isang panayam patungkol sa kaniyang misis.
“‘Ika nga, bilang paggalang sa desisyon at karapatan ng ating mga kababaihan, sila ang dapat nagsasabi kung ilan, hindi iyong lalaki. Hindi naman tayo ang magbubuntis,” dagdag pa ng senador.
Nauna rito, ibinahagi ni Chiz ang kanilang plano na magdaos ng simpleng “renewal of vows” sa kanilang first wedding anniversary sa Pebrero 15 sa susunod na taon, this time, kasama ang mga magulang ni Heart.
Ang okasyon ay magsisilbi ring isang pasasalamat para sa magandang relasyon ng kanilang mga pamilya matapos ang naunang hindi pagkakaintindihan.
TALBOG – Roldan Castro
