Garcia nasa radar ni Roach (Gustong ikasa kay Pacman)

KUNG si Freddie Roach ang tatanungin sa susunod na makakalaban ni Manny Pacquiao kapag nakarekober na ito sa “shouder injury”,  si  Danny Garcia ang No. 1 sa kanyang listahan.

Nakatakdang bumalik sa ring si Pacman sa 2016 pagkatapos ng isang operasyon sa kanyang balikat.   Sa kasalukuyan ay sumasalang siya sa isang rehabilitasyon.

Sa ngayon, matunog ang pangalan ni Amir Khan bilang susunod na makakaharap ni Pacman sa kanyang pagbabalik sa ring.

Pero iginiit ni Roach na mas ideyal na kalaban si Garcia kesa kay Khan na dating nating sparringmate ni Pacquiao.

”I want Danny Garcia, that’s my choice. That’s the easiest fight in the f****** world, you can tell his dad [Angel Garcia] that as well,” pahayag niya.

“His dad psyched Amir Khan out but he won’t psych Pacquiao out I promise. Pacquiao will knock Garcia out. I like the dad but he talks too much s***.”

Ngunit magiging malaking problema sa dalawang fighters ang sumalang sa ring na magkatunggali dahil si Garcia ay lumalaban sa bandera ng Premier Boxing Champions samantalang si Pacman ay under naman sa HBO.

Isiniwalat ni Roach na maganda ang kinalalabasan ng rehabilitasyon ng shoulder injury ng kanyang alaga pero kinumpirma niya na tatagal ng ilang buwan bago ito muling sumalang sa ring.

“Manny’s shoulder is getting better. We had a little trouble with the rehab because he didn’t want to come to American so we got a guy to go out there [to the Philippines] and work with him every day,” pahayag ni Roach.

“He tells me it feels better, he went swimming the other day, he’s playing a little basketball so he says it’s coming along fine. But it won’t be a while until he’s in the ring again, three to six months.”