I Feel Good album ni Daniel, certified Gold na (Wala pang isang linggo matapos i-release…)

CONGRATULATIONS to Daniel Padilla and Star Music dahil certified gold na ang pinakabagong solo album nitong I Feel Good matapos mabili ang higit sa 7,500 kopya ng CD wala pang isang linggo matapos itong i-release.

Iginawad ang gold record award kay Daniel noong Linggo sa ASAP 20.

Kasama sa album ang mga awiting Isn’t She Lovely, How Sweet It Is (To Be Loved By You), Moon River, at I Got You (I Feel Good). Kasama rin sa track list ng I Feel Good ang nakakikilig at swabeng versions ni Daniel ng My Girl, Isn’t She Lovely, Knocks Me Off My Feet, For Once in My Life, Morning Girl, at Handog.

Mapakikinggan din sa album ang sariling bersiyon ni Daniel ng Pangako Sa ‘Yo, ang theme song ng top-rating teleserye nila ni Kathryn Bernardo at ang chart-topper na Simpleng Tulad Mo.

SHOWBIZ KONEK – Maricris Valdez Nicasio