HATAW! D'yaryo ng Bayan hatawtabloid.com
LUCKY charm talaga ni Daniel Matsunaga si Erich Gonzales. Sunod-sunod kasi ang blessings na dumarating sa actor at ang pinaka-latest ay ang pagsasamahang teleserye ng dalawa, ang Be My Lady.
Ayon sa HotSpot ng ABS-CBN.com bibigyang buhay ng dalawa ang love story ng isang foreigner at isang Pinay at magpapakita kung ano ang pinagdaraanan ng isang interracial relationship.
Ani Erich sa isang panayam, “Nakae-excite ‘yung ‘Be My Lady’ kasi romantic comedy siya tapos ‘yung kuwento niya ay light at happy lang. First team-up din namin ‘to ni Daniel in our own teleserye kaya sana abangan at suportahan nila ang project naming ito.”
Sinabi naman ni Daniel na matagal niyang hinintay ang big break na ito.
“Sobrang saya talaga ako dahil kasama ko pa si Erich. Ito ‘yung unang project ko na ako talaga ang leading man kaya I am really thankful sa bosses sa pagbibigay ng opportunity sa akin,” sambit naman ni Daniel.
Malapit nang mapanood ang Be My Lady sa ABS-CBN.
SHOWBIZ KONEK – Maricris Valdez Nicasio
