Coach Lim nais parusahan ng Alaska

 

NAIS ng kampo ng Alaska Milk na muling pag-aralan ni PBA Commissioner Chito Salud ang insidenteng kinasangkutan ng kanilang manlalarong si Calvin Abueva at ang coach ng Barangay Ginebra San Miguel na si Frankie Lim sa laro ng Aces at Kings sa quarterfinals ng Governors’ Cup noong Biyernes ng gabi.

Sa insidenteng iyon ay nagkatulakan sina Abueva at Lim sa ikatlong quarter at pareho silang nabigyan ng technical foul.

Nanalo ang Alaska, 114-108, upang umabante sa semifinals at tuluyang sibakin ang Ginebra.

“Normally, our coaching staff usually views the previous game. We’ll try to see something and if we do, we’re going to send it to the PBA Commissioner’s Office for review,” wika ni Alaska board governor Richard Bachmann sa panayam ngwww.interaksyon.com/aktv.

Matagal na ang sigalot nina Abueva at Lim mula pa noong nasa NCAA sila dahil dating manlalaro ng San Sebastian si Abueva at si Lim naman ay dating coach ng San Beda.

“I don’t get into that, you guys know me,” ani Alaska coach Alex Compton. “I don’t get to things like that and encourage that stuff. Obviously, it’s a highly-charged playoff and environment. These guys are physically grown men who put their hearts on the line. Something happened and guys got into it. I’m sure the PBA will handle it in the best interest of the league and try to be fair to everyone.”

Samantala, sinabi ng import ng Ginebra na si Orlando Johnson na hindi naman siya takot kay Abueva na kilala bilang isang pisikal na manlalaro.

”C’mon, I’m not worried about him,” ayon kay Johnson. “I’ve been playing this game way too long to be worried by some guy trying to take me off my game.”

Idinagdag ni Johnson na balak siyang sumabak sa mga summer leagues ng NBA ngayong tanggal na ang Ginebra sa kontensiyon.

“That’s where my mind’s at now, looking forward to get back in the NBA,” dagdag ni Johnson na dating manlalaro ng Indian Pacers. “I’m an NBA-caliber player and I’m going to show them when I get there.” (James Ty III)