HATAW! D'yaryo ng Bayan hatawtabloid.com
MATAGAL pa bago magbukas ang bagong season ng PBA D League pagkatapos ng matagumpay na finals ng Foundation Cup noong Huwebes.
Sinabi ng operations chief ng PBA na si Rickie Santos na sa Enero 2016 na magsisimula ang bagong season ng D League sa ilalim ng bagong komisyuner na si Chito Narvasa.
“We’re moving the opening of the new season to January because the UAAP season opens in September,” wika ni Santos. “As you know, a lot of UAAP players play in the D League especially when there is a school tie-up.”
Natuwa si Santos sa kinalabasan ng Game 3 ng finals kung saan tinalo ng Café France ang Hapee Toothpaste upang makuha ang titulo.
“This only shows that the D League is now more balanced since NLEX and Blackwater left,” ani Santos.
Idinagdag ni Santos na gagawin sa Nobyembre 12 ang Rookie Draft ng D League. (James Ty III)
