HATAW! D'yaryo ng Bayan hatawtabloid.com
PINANINIWALAANG ito na ang katapat ni pound-for-pound king at world flyweight champion Floyd Mayweather Jr.—isang 14-stone kangaroo na handang makipagsagupaan kahit kanino!
At may dahilan kung bakit ito ang paniniwala ng maraming mga taga-Australia ukol sa sino ang makatatalo sa undefeated American boxer.
Ang pambatong kangaroo ay may taas na 6 na talampakan, tumitimbang ng 14 stone, at handang-handang lumaban.
Pinangalanang Roger ang maskuladong marsupial at naninirahan sa isang sanctuary sa Alice Springs, Australia, at bilang health regimen, nagsasanay araw-araw sa pamamagitan ng pagdurog ng mga tin bucket para lang sa kasiyahan.
Ngunit mahilig din ipakita na siya ang ‘boss’ at kadalasa’y hinahabol ang kanyang tagapag-alaga sa bawat sandaling pumapasok sa kulungan ni Roger para maglinis o magdala ng pagkain.
Sa panayam ng Daily Mail Australia, ito ang ipinahayag ng trainer ni Roger na si Chris Brogla: ‘Ang kanyang daily exercise regimen ay sparring (kickboxing) at habulin ang kanyang human Mum—ako.
“Mahilig din siyang durugin ang mga metal na balde.”
“Huwag kayong magbibiro sa isang ‘Big Red’,” babala ni Brogla.
Ngunit ang pinakanakasisindak kay Roger ay dahil sa siyam-taon gulang pa lang siya, at dahil ang kangaroo life expectancy ay umaabot sa mahigit 22 taon, nangangahulugan na hindi pa magwawakas ang ‘reign of terror’ ni Roger sa nalalapit na panahon.
Kinalap ni Tracy Cabrera
