HATAW! D'yaryo ng Bayan hatawtabloid.com
HINDI maikakaila ang pagkakapareho sa ilang bagay nina Robin Padilla at Ping Lacson. Lalo na noong pinili ni Binoe na ga-wing pelikula ang isang bahagi ng controversial na lifestory ng dating senador para sa combeck action movie niyang 10,000 Hours. Patunay ito ng pagkakahawig ng kanilang mga buhay.
“Hanga talaga ako sa kanya,” wika ni Robin. Pero hindi to the point na pilit ipinapareho ang sarili niya. “Consistent kasi sa pagtanggi si ex-Sen. Ping sa kanyang pork barrel. Kahanga-ha-nga ‘yon. Mahirap ‘yun at pinatunayan ng isang politiko na marami pang paraan upang makapag-hatid-serbisyo sa taong-bayan.”
Dugtong pa ng Idol ng Masa na marami rin daw silang pagkakaiba. Ang dating rehabilitation czar raw ay talagang cut out para sa politika. “Ako, na-realize ko naman na hindi lang isang elected position ang paraan para maglingkod sa mga naghihirap nating mga kababayan,” aniya pa.
Magugunitang kumandidato noong 1995 at hindi pinalad si Robin bilang bise gobernador ng Nueva Ecija. Mula noon, kahit maraming naghihikayat sa kanyang tumakbo ay tumanggi na si Binoe.
Isa pa, sa isip ng mga tao ay pareho silang nagkaroon ng problema sa batas, dahil parehong astig at palaban. Paglilinaw lang ng action star, “Ako nahatulan at napatunayang lumabag.”
Kung nakulong si Robin noon dahil sa illegal possession of firearms, ang dating senador naman daw, ‘di napatunayang nagkasala. Malaking difference nga naman ‘yon.
Ayon pa kay Binoe, hindi siya naniniwala sa mga bansag sa mga artista o politiko. Tagurian mang “bad boy” sa showbiz, sa politika o kahit saan pa, hindi raw batayan ‘yun nang tunay at totoong pagkatao ng sinuman.
Bukod kay Robin, ang yumaong pinsan ni-yang si Rudy Fernandez ay gumanap din bilang si ex-Sen Ping sa papel na dating PNP Chief sa pelikulang SuperCop noong year 2000. Kaya, parang mas fit yatang isiping may Padilla-Lacson mutual admiration club! Pareho silang mga pamilyang may tapang at kilalang walang inuurungan, kaya laging naiintriga!
ALAM MO NA – Nonie V. Nicasio
