HATAW! D'yaryo ng Bayan hatawtabloid.com
PINALAD ang mga kabataan ng Tondo sa pagtatanghal ng basketball clinic nina Fil-American NBA (National Basketball Association) rookie Jordan Clarkson, Uah Jazz star Trey Burke at NBA legend Horace Grant sa Barangay 105, Maynila.
Nagsagawa ang tatlong sikat na basketbolista ng shoot at passing drill at nakipag-bonding sa may 60 kabataang nagmula sa mahihirap na pamilya sa ilalim ng sponsorship ng NBA Craes project ng pa-mosong liga sa Estados Unidos.
Ayon kay Clarkson, natuwa siya sa mainit na pagtanggap sa kanya rito sa Pi-lipinas at magsisilbing inspirasyon para sa kanya ang naging karanasan sa mga batang nagnanais matuto ng basketball, partikular na yaong mga nanggaling sa mahihirap na komunidad sa Tondo na pawang sa kalsada lang madalas nagsisipaglaro.
Nagpakitang-gilas sila para gumawa ng 360 dunk shot na pinalakpakan ng mga kabataang namangha sa ipinamalas na husay ng sikat na rookie ng NBA.
Naglalaro ngayon si Clarkson para sa Los Angeles Lakers pero bago siya nakapsok sa NBA ay nasa college basketball siya ng dalawang season para sa Tulsa bago lumipat sa Missouri, na natamo niya ang second-team all-conference honors sa Southeastern Conference (SEC).
Matapos ipagpaliban ang kanyang senior year sa kolehiyo, pumasok siya sa 2014 NBA Draft at napili siya ng Lakers sa second round ng ika-46 na overall pick. Sa unang taon niya sa liga, hinirang agad si-yang NBS All-Rookie First Team.
Sa kabilang dako, si Burke naman ay pinarangalan bilang National Player of the Year sa 2012-2103 season ng NCAA habang si Grant ay naging NBA All-Defensive Team awardee ng apat na beses mula 2013 hanggang 2016.
Kinalap ni Tracy Cabrera
