PH women’s team kumpleto na

 

KUMPLETO na ang lineup ng Philippine women’s indoor volleyball team na ipanlalaban sa 28th Southeast Asian Games sa Singapore sa darating na June 5-16.

Para kay Larong Volleyball ng Pilipinas, Inc. president Joey Romasanta, the best sa kanya ang final 12 na nabuo sa pangunguna ni coach Roger Gorayeb.

Ang pambato ng Ateneo Lady Eagles at UAAP MVP Alyssa Valdez ang nanguna sa listahan na mga napili para sa Philippine team at makakasama niya sina Rachel Anne Daquis, Dindin Santiago-Manabat, Jaja Santiago, Bea de Leon, Rhea Dimaculangan, Jovelyn Gonzaga, Denden Lazaro, Jia Morado, Maika Ortiz, Grethcel Soltones at Abi Marano.

Matagal din na hindi nagpadala ang Pilipinas ng women’s volleyball team sa nasabing biennial games.

Wala sa listahan ng team si Aiza Maizo-Pontillas pero puwede siyang makasama bilang reserve.

Makakaharap ng Pilipinas ang Southeast Asian powerhouse teams ng Thailand at Vietnam.

Kasama ni Gorayeb sa coaching staff sina Tai Bundit, Parley Tupaz at Edjet Mabbayad.

Sa Hunyo 10 ang umpisa ng paluan ng bola at sa Hunyo 4 ang alis ang team. (ARABELA PRINCESS DAWA)