PCSO Silver Cup Race paghahandaan

Isang bigating line-up ang tiyak na paghahandaan natin mga klasmeyts, iyan ay ang idaraos na “PCSO Silver Cup Race” sa darating na Hunyo 21, 2015 sa pista ng Metro Turf Club, Inc. sa Malvar, Batangas.

Ang tampok na pakarerang iyan ay pinangungunahan ng kampeong mananakbo na si Hagdang Bato na papatnubayan ng may gamay sa kanya na si jockey Unoh Basco Hernandez. Ang kanilang mga makakalaban ay sina Kanlaon ni Val Dilema, Malaya ni Dunoy Raquel Jr., Dixie Gold ni Deo Fernandez, Hot And Spicy ni Jordan Cordova, Kaiserslautern ni Jeff Zarate, Low Profile ni Mark Alvarez, Sky Way ni Viong Camañero at Pugad Lawin ni Pati Dilema.

Sila ay maglalaban sa mahabang distansiya na 2,000 meters at may nakalaan na halagang P2.5M bilang groseng papremyo para sa may-ari o koneksiyon ng magwawaging kalahok. Halagang P700,000.00 sa segundo, P350,000.00 sa tersero at P250,000.00 para sa ikaapat na puwesto.

ni Fred L. Magno