HATAW! D'yaryo ng Bayan hatawtabloid.com
NAKALIMOT SI JOLINA AT MULING NAKIPAGTAMPISAW KAY ALJOHN
Hindi lang sila nagpalitan ng text messages. Nag-usap din ang kanilang mga mata.
“Puwede ba kitang makausap ng sarilinan?” text ni Aljohn.
“Mahigpit ang bodyguard ko…” reply niya, ang tinutukoy na “bodyguard” ay si Teena.
“Dispatsahin mo muna…” text ulit ng ex niya.
Pinadalhan niya ito ng “smiley” sa cellphone.
Napakamot sa ulo si Aljohn.
Para bang walang naging kasalanan o atraso kay Jolina si Aljohn. At sa pakikitu-ngo sa ex-BF ay dinaig pa nga niya ang isang dalaga na walang pananagutan sa buhay. Porke nasa malayo si Pete, naging malaya siya sa mga pagkilos.
At minsan pa siyang bumigay sa binata.
Pumasok sila ni Aljohn sa isang class na motel. Doo’y muli niyang nalasap ang kasiyahan sa piling nito. Pinalipad-lipad niyon ang kanyang kamalayan. Nakalimot na mayroon na siyang asawang dinudu-ngisan ang pangalan.
“Aljohn… Oh, Aljohn!”
Pag-uwi ni Jolina, wala sa kanilang bahay ang anak na si Alyssa. Agad niyang tinawagan ang cellphone ng yayang tagapag-alaga ng bata.
“Sa’n kayo ng anak ko?” tanong niya sa yaya.
“Dinala ko s’ya rito sa ospital, Ate…” sagot nito.
“Ha? Bakit, Inday?”
“Kasi, Ate, kinumbulsiyon si Alyssa sa taas ng lagnat.”
Magdamag na na-confine sa ospital ang kanyang anak. Bumuti rin naman agad ang kalagayan ng bata. Kinaumagahan ay naiuwi na niya sa bahay.
“Masigla naman ang baby ko, ah,” panghahalik niya sa anak.
(Itutuloy)
ni Rey Atalia
