HATAW! D'yaryo ng Bayan hatawtabloid.com
Gud day sa iyo Sir,
Nagdrim po aq bout sa mga building, ganyan, tas ay naglalakad ako sa drim q, then ay may mga zombie dw aq nakita, medyo magulo din drim q po kase, pls pak nterpret, wait ko po ito, tnks a lot sir, dnt post my cp #.. im Meldzs
To Meldzs,
Kapag nakakita ng mga malalaking buildings sa panginip, ito ay posibleng nagre-represent ng iyong sarili at katawan. Segun kung gaano kataas ng gusali o building, ito’y nagpapakita ng pagtaas ng iyong level ng pang-unawa o understanding, awareness o success. Sakali namang ikaw ay nasa mababang lugar ng building, posible namang may kaugnayan ang ganitong panaginip sa mas primal attitudes and/or sexuality.
Kung ikaw ay naglalakad naman nang maayos sa iyong panaginip, ito ay nagsasaad na ikaw ay mabagal na naglalakbay sa buhay subalit steady naman ang pagsulong tungo sa iyong mithiin o mga pangarap. Ito rin ay nagpapakita na ikaw ay sumusulong sa iyong buhay sa pamamaraang naroon ang iyong kompiyansa, subalit dapat ding maging mapagmatyag at ikonsidera ang iyong landas na tinatahak at patutunguhan. Kung nahihirapan ka naman sa paglalakad, nagpapahayag ito ng pag-aalinlangan sa pag-usad hinggil sa ilang sitwasyon bunsod ng mga balakid at sagwil na kakaharapin o kasalukuyang hinaharap na sa iyong buhay.
Ang panaginip ukol sa zombie ay nagpapakita ng kawalan o kakulangan mo ng pakikipag-ugnayan sa mga kaganapan at mga taong malapit o nakapaligid sa iyo. Maaari rin na ito’y nangangahulugan din ng kawalan ng emosyon sa pang-araw-araw na buhay mo, na ginagawa mo lang ang mga bagay-bagay dahil kailangan ito ng routine ng iyong buhay. Makabubuting alisin ang mga negatibong elemento sa iyong paligid at ibaling sa mga magagandang bagay ang iyong isipan, lalo na kapag malapit ka nang matulog. Ito ay maaaring nagsasaad din ng ukol sa pag-iwas mo sa mga bagay na hindi ka tiyak kung ano ang magiging kasagutan o kaya naman, kung ano ang magiging kahihinatnan, kaya ganito ang naging tema ng iyong bungang-tulog. Subalit dapat harapin ang mga bagay na ito upang magkaroon na ng closure.
Señor H.
