HATAW! D'yaryo ng Bayan hatawtabloid.com
UNTI-UNTING ISINASAGAWA NI JOLINA NA BITAGIN ANG ‘BOSS’ NA SI PETE
“Kelan ka pupunta sa office ko?” ang mabilis na reply nito.
“Bukas ng umaga, Pete…”
“Sige, wait kita, Jo…”
Buo na ang desisyon ni Jolina. Plano niyang bitagin si Pete. Kapag nasilo niya ito, hindi magiging illegitimate ang sanggol na isisilang niya. Maisasalba nito ang kahihiyan niya. At solb na ang kanyang problema.
Lunes nang magsimula siyang magtrabaho sa opisina ni Pete. Bale sekretarya ang papel niya. At ito lang ang boss niya roon. Ang mga ka-partner sa hanapbuhay ay bihirang mag-opisina. Patawag-tawag lang doon. Kadalasan, sa labas ang pakiki-pagtransaksiyon ng binata sa iba’t ibang kliyente. Ang runner-janitor na si Mang Dado ang malimit lang niyang makasama araw-araw sa kompanyang iyon.
Naging maingat si Jolina sa pakikitungo kay Pete. Para hindi mahalata ang motibo, inunti-unti lang niya ang pag-amo sa binata. Inunti-unti rin niya itong pinagpakitaan ng kabaitan paglapit ng kalooban.
Higit siyang nagpaseksi sa ayos at mga kasuotan. Lagi pang humahalimuyak sa kabanguhan.
“Kape, Boss?” ngiti niya sa pag-aalok kay Pete.
Tinanguan siya nito.
“Pero ‘wag mo na akong tawaging boss…” sabi sa kanya ng binata.
“Kung ‘yan ang gusto n’yo, okey…” ngiti niya sa pagpapa-cute.
(Itutuloy)
ni Rey Atalia
