HATAW! D'yaryo ng Bayan hatawtabloid.com
INIWAN SI JOLINA NI ALJOHN HABANG TILA ANGHEL SI PETE SA PAGSAGIP
Kutob niya, drama lang iyon ni Big Jay upang mabigyan ng resonableng alibi si Aljohn.
Pag-uwi ng bahay, nagkulong si Jolina sa loob ng kanyang silid. Doon niya iniluha ang matinding sama ng loob sa boyfriend.
Dinalaw siya ni Pete kinagabihan.
“May sasabihin lang daw siya sa ‘yo,” pangangatok sa silid niya ni Mommy Vivian. “Labas ka muna d’yan, anak…”
Inayos niya ang sarili. Pinagbigyan niya ang pakiusap ng ina.
“Ano’ng sadya mo, Pete?”
“Naka-graduate ka na, Jolina…Gusto mo bang mag-work na?”
“Gusto ko… Pero wala pa akong experience…”
“Okey lang, Jo…”
“Anong trabaho, at anong kompanya ‘yan, Pete?”
“Nangangailangan ako ng sekretarya sa maliit kong office, Jo… Baka ‘kako patulan mo?”
Hindi agad nagpasiya si Jolina.
“Pwede bang pag-isipan ko muna?” aniya.
“Sige…” tango ng binata.
Pagkaalis ni Pete, balik ulit si Jolina sa kanyang silid-tulugan. Muli niyang binalikan ang sinasariling suliranin. Kapag lumobo na ang tiyan sa pagbubuntis, mala-king kahihiyan iyon sa kanilang pamilya. At baka itakwil tuloy siya ng mga magulang, lalo na ng kanyang Mommy Vivian na may pagka-moralista.
“Oo nga… Pwede!” bulalas ni Jolina sa pagpasok sa utak ng isang ideya.
Siya mismo ang nag-text kay Pete.
“Okey ako sa napag-usapan natin, Pete,” ang ipinadala niyang mensahe sa manliligaw.
(Itutuloy)
