HATAW! D'yaryo ng Bayan hatawtabloid.com
PAGKATAPOS ng laban nina Manny Pacquiao at Floyd Mayweather noong May 3 na napanalunan ng huli via unanimous decision, nagkakaisa ang boxing fans na nakasaksi sa laban na harang ang nasabing bakbakan.
Pagkaraan ng tatlong araw ay waring may buwelta sa dalawa ang walang kuwentang laban at nahaharap sila ngayon sa demanda.
Lumabas sa kolum ni David Mayo ng dmayo@mlive.com na nagsampa ng demanda ang dating live-in partner ni Mayweather na si Josie Harris (ina ng apat na anak ni Floyd) dahil sa pagtatahi ng kasinungalingan ni Floyd na inaakusahan siyang gumagamit ng ipinagbabawal na droga sa isang nakaraang interview. Ayon sa TMZ, humihingi si Harris ng $20 million in damages.
Samantalang si Pacquiao ay nahaharap naman sa isang class-action suit na isinampa ng dalawang residente ng Nevada sa paglaban nito kay Mayweather na may iniindang malalang injury sa balikat.
