Pacman handang lamunin si Floyd

SA final press conference ng bakbakang Manny Pacquiao at Floyd Mayweather Jr sa MGM Grand ay dinagsa ng fans.

At base sa mga nakita nating photos na kuha ng iba’t ibang boxing websites, may napuna tayong mahalagang bagay sa mga aura ng dalawang boksingero.

Muli ay nakita natin ang tapang sa mga mata ni Manny, samantalang tipong malamlam ang kay Floyd.

Kung sa mga naunang presscon ng dalawa para i-promote ang kanilang laban ay tipong maamong tupa ang mga mata ni Pacman. Ngayon—parang mata ng tigre ang makikita na handang lumamon ng biktima.

Si Mayweather, tipong walang kinang ang mga mata. Parang siya ngayon ang bibiktimahin ng predator.

0o0

Narito ang mga pahayag, komento at pananaw ng ilang boxing fans na gustong makisali sa bakbakang Manny at Floyd:

BESTRE FLORES ng Sta. Cruz, Manila –Kay Pacquiao ako. Ang batayan ko ay ang naging laban nila kay Oscar De La Hoya. Minani lang ni Pacquiao si De La Hoya, samantalang muntik pang matalo si Mayweather nang magharap sila.

ARNEL CRUZ, owner-manager ng REE CHI CHIE na gumagawa ng masasarap na PICHI-PICHI AT CASSAVA CAKE – Isang Modern Warrior si Pacquiao. Subok siya sa laban. Kakainin niya ng buo si Mayweather.

TEODIE CHAMPACA ng Nueva Ecija – Siyempre sa DEHADO tayo. Pag dehado nanalo…KABIG tayo! Kay Pacman ako.

VICENTE VERNAULA, OIC ng security ng Chinese Cemetery – Tingin ko…DRAW ang laban. Parehong magaling. Tiyak na manghihinayang ang mga judges na may matalo kaya itatabla nila ang verdict. Anyway, tiyak namang may Part 2 ang laban.

JHONNY GALANG ng Tambunting, Sta. Cruz, Manila – Mahilig tayo sa UNDERDOG. Kay Manny tayo. Go Pacquiao! Kaya mong gibain ang depensa ni Floyd!

RUDY LINGAT ng Tambunting, Sta. Cruz, Manila – Tingin ko, walang kuwenta ang SHOULDER ROLL ni Mayweather kapag inulan na siya ng suntok ni Pacquiao. Baka nga targetin pa ni Pacman ang mismong braso nito para magiba.

 

ni Alex Cruz