HATAW! D'yaryo ng Bayan hatawtabloid.com
HINDI nababahala si Jinkee Pacquiao sa pinakama-halagang laban ng kanyang mister, ngunit naniniwala siyang dapat ma-knockout ni Manny Pacquiao si Floyd Mayweather Jr., sa kanilang paghaharap sa MGM Grand sa Las Vegas sa Mayo 2 (Mayor 3 PH time).
Nakapanayam si Jinkee, na bise gobernador din ng Sarangani na kinakatawan ng Pambansang kamo sa Kamara de Representante, habang kasama ang kanyang mga anak na kumakain ng hamburger at fries sa Sunset Boulevard.
Ayon sa misis ni Pacman, hindi siya ninenerbi-yos sa showdown na binansagang Battle for Greatness:
“Siguro ‘pag dumating na ako sa Las Vegas at ma-lapit na ang laban.”
“Hindi ako worried dahil pinaghusayan niya talaga ang paghahanda at pagsasanay dito,” dagdag ni Jinkee.
Gayon pa man, naniniwala pa rin na kailangang mapabagsak at mapatulog ng kanyang asawa ang Amerikanong pound-for-pound king para mawakasan na rin ang mga katanungan kung sino ang mas mahusay sa da-lawa.
Pero manalo man o matalo, nais umano ni Jinkee na mag-retiro na si Manny matapos ang laban niya kay Maywea-ther, pero sinabi rin niyang hindi siya hahadlang kung ano man ang maging desisyon ng kanyang mister.
Kinalap Ni Tracy Cabrera
