HATAW! D'yaryo ng Bayan hatawtabloid.com
NAGSIMULA na ang countdown sa showdown sa Mayo 2 (Mayo 3 PH time) sa pagitan nina Manny Pacquiao at Floyd Mayweather Jr. — ang binansagang ‘Fight of the Century’ na umaabot sa US$400 milyon halaga at may puwang sa pantheon ng ‘greats’ sa larangan ng boxing.
Mahigit limang taon din pinag-usapan at pinagtalunan hanggang maisakatuparan, ito’y epic clash ng magkakaibang estilo at personalidad, na pinaghaharap ang craftsmanship at defensive savvy ni ‘Money’ Mayweather kontra sa bilis at lakas ng kaliweteng kampeon ng Sarangani, na itinuturing din Pambansang kamo ng mga Pinoy.
Nakatayang basagin ng welterweight world title unification ang maraming boxing record para sa worldwide viewership at revenue, sa inaasahan ni Pacquiao promoter Bob Arum na kikitain nitong aabot sa mahigit US$400 milyon.
At sa hatiang 60-40 split na pabor kay Mayweather, kikita ang American pound-for-pound king ng nakalululang US$150 milyon habang si Pacman naman ay nasa US$100 milyon lamang.
Sa ticket sales, ang 500 para sa mauupuan sa 16,800-capacity MGM Grand Garden Arena sa Las Vegas na ibi-nebenta nang direkta sa publiko at face value ay nagkakahalaga mula US$1,500 hanggang US$10,000, at naubos ng ilang minuto lang.
Sa ngayon, ibinenta ng mga promoter ang 10,000 ticket sa weigh-in ng dalawang kampeon nitong Bi-yernes ay nagkahalaga ng US$10 bawat isa.
Nakapagpataas din ng interes ng buong mundo sa laban ang nakahihilong financial figures at mga celebrity sideshow para mabig-yan ito ng cross-over appeal. Nag-focus din ang build-up sa mega-fight frenzy ng iba’t ibang mga detal-ye mula sa custom-made mouth guard ni Mayweather na binudburan ng mga brilyante at ginto, hanggang sa US$2 million-plus na kikitain ni Pacquiao mula sa mga advertising na inilagay sa gagamitin ni-yang trunk sa sagupaan.
Kinalap ni Tracy Cabrera
