Mag-asawa pinagbabaril sa harap ng 3 anak

ILOILO CITY – Patay ang mag-asawa makaraan pagbabarilin sa Brgy. Acuit, Barotac Nuevo, Ilo-ilo kamakalawa.

Ang krimen ay nasaksihan ng tatlong menor de edad na anak ng mag-asawang Mel at Rex Develos, at ng kanilang pamangkin.

Pauwi ang mga biktima sa kanilang tinutuluyang bahay nang pagbabarilin ng tatlong mga suspek. 

Tumakbo ang tatlong anak ng mag-asawa kasama ang kanilang pamangkin, ngunit nakalingon at nakita kung paano pinatay ang kanilang mga magulang.

Hinihinalang niresbakan ang mag-asawa makaraan mapatay noong Enero ng mga pulis sa kanilang bahay ang dalawang wanted, kabilang ang lider ng notoryus na Magno group na si Rolando “Totong” Magno na nagtago roon, at nahaharap sa patong-patong na kaso ng pagpatay at robbery.

Pinaniniwalaang pinaghinalaan ng natitirang mga miyembro ng Magno Group na ang mag-asawa ang nagbigay ng impormasyon sa mga pulis kaya natunton at napatay ang kanilang lider at isang kasamahan.