Amir Khan miron sa labang Floyd-Manny

INAASAHAN ni Amir Khan, kontender sa welterweight division, na mananalo si Floyd Mayweather laban kay Manny sa May 2 via unanimous decision.

At ang matatalo sa nasabing laban ay lalabanan niya bago magtapos ang taong 2015 at ang mananalo naman sa dalawa ay hahamunin niya sa susunod na taon.

Si Khan na isang British ay isa sa mapalad na magiging miron sa loob ng MGM Grand para saksihan ang makasaysayang laban ng dalawa na tinatayang tatabo ng multi-milyong dolyares.

Nakakuha ng tiket si Khan sa pamamagitan ng kanyang boxing adviser na si Al Haymon na siya ring adviser ni Mayweather.

Sa kasalukuyan ay pinag-uusapan ang laban nina Khan at Chris Algieri para sa May 29. Ito ang magiging tune-up fight niya bago labanan kaninuman kina Pacquiao at Mayweather.

“Winning this fight against Algieri will take me closer to the mega fight with either Floyd or Manny,” payahag ni Khan sa ESPN.

“I know Floyd has a quick turnaround and after the May fight he wants to get back into the ring in SEPTEMBER.

“But anything can happen – he might get injured or something. I have to keep performing well and if it happens I will be ready.”

Matatandaang si Khan ang nanalo sa isang Online Poll kontra kay Marcos Maidana bilang pili ng mga nagmamahal sa boksing. Pero sa kung anong dahilan ay si Maidana ang pinili ni Mayweather na labanan sa dalawang okasyon na kung saan ay tinanghal na panalo si Floyd via split decision at unanimous ayon sa pagkakasunod.