HATAW! D'yaryo ng Bayan hatawtabloid.com
HANGGANG ngayon ay naghihintay pa rin ang boxing fans na buksan na ng MGM Grand ang pagbebenta ng tiket sa publiko para sa bakbakang Manny Pacquiao at Floyd Mayweather Jr.
Ilang araw na lang ang salpukan nina Manny at Floyd ay wala pa ring ibinebentang tiket ang MGM sa publiko. Hinala tuloy ng mga miron sa boksing na sadya nang kinontrol ng kampo nina Floyd at Pacquiao ang tiket para sila na ang magbenta nito sa mas mataas na halaga o yung tinatawag na ‘black market.’
Pero narito na naman si president and CEO ng CBS Corporation na si Les Monvees para isalba ang kapakanan ng boksing. Kung natatandaan ninyo, siya ang responsable para tuluyang maikasa ang labang Manny at Floyd sa May 2.
Sa pamamagitan niya ay naresolbahan ang maraming issues na nagiging problema ng kampo ni Mayweather at Pacquiao sa isyu ng alokasyon ng tiket para sa publiko.
Ang tanong ngayon ay kung ilan nga ba ang maibebenta lang sa publiko?
0o0
Narito ang ilan lang sa maraming text messages natin na natanggap tungkol sa mga pananaw ng boxing fans sa magiging laban nina Pacquiao at Mayweather:
ROLAN GONZALES ng Tondo, Manila – Tingin ko, bumalik na ang dating gutom ni Manny Pacquiao sa boksing. Kaya kung matagal-tagal ding hindi natin nakitang naka-knockout si Pacman sa ring—ngayon natin makikita ang matagal na nating pinakahihintay. Knockout si Floyd sa 10th round.
NAPO LAUZON CRUZ ng Southernwood, Laguna – walang magagawa ang ‘shoulder roll’ ni Mayweather. Pag ginawa niya iyon sa harap ni Pacman, open siya sa pamatay na ‘left hook’ ni Pacquiao. Go Pacman!
EX-BARANGAY CHAIRMAN BADO DINO ng Tondo, Manila – Magulang sa laban si Floyd. Tiyak na gagamitin niya ang taktikang ‘hit-and-run’ na puwedeng maka-frustrate sa diskarte ni Pacman. Tingin ko, mananalo si Mayweather via split decision.
MANG NARDO ng Lico St. – May nabasa akong write-up sa isang boxing website sa internet na marupok na raw ang kamao ni Floyd. Kung hindi niya masasaktan si Pacquiao sa kasagsagan ng laban, tiyak na mararamdaman ng Pinoy pug na kaya niya ang suntok ng Kanong boksingero. Go-signal iyon para pasukin niya nang pasukin si Mayweather.
Split decision para kay Pacquiao.
0o0
Sa mga boxing fans na gustong magbahagi ng kanilang pananaw sa labang Pacquiao-Mayweather, i-text lang sa 09202010729.
ni Alex L. Cruz
