HATAW! D'yaryo ng Bayan hatawtabloid.com
SA pagbubukas ng 2015 AM8.com Queens Cup na gaganapin sa Resorts World Manila ay nakahanda nang rumebanse ang Team West matapos silang payukuin ng Team Asia 4-10 nung nakaraang taon.
“To be honest I want revenge,” madiin na saad ni “ Texas Tornado” Vivian Villarreal ng Team West.
Pero para kay BETPoker.net World Women’s 10-ball Championships Queen, Rubilen “Bingkay” Amit kahit mga kampeon ang mga kakampi ay paniguradong dadaan pa rin sila sa butas ng karayom para makadalawa sa team West.
“We would like to win but it will be difficult,” nakangiting sabi ni Amit.
Samantala, isang 4-on-4, dalawang doubles, dalawang singles at isang 3-on-3 ang event na sasarguhin mamayang gabi kung saan ang nasabing showdown ay nag-umpisa kahapon at magtatapos bukas (Linggo).
Bukod kay Amit ang ibang kakampi nito sa Team Asia ay sina World’s No. 1 Siming Chen ng China, former Rookie of the Year Eunji Park ng South Korea at veteran Jennifer Chen ng Taiwan.
Ang mga kakampi ni Villarreal sa team West ay sina Karen Corr ng Ireland, Jennifer Barretta ng USA at Team Captain Ewa Mataya Laurance ng Sweden .
Una ang 4-on-4 kung saan ay kasali ang lahat ng players sa bawat teams susunod ang doubles kung saan ay magkakampi sina Siming at Chen ( Asia ) kontra kina Korr at Barrette (West).
Sa pangalawang doubles, lalabanan nina Amit at Park ( Asia ) sina Laurance at Villarreal (West).
Babalik sa mesa si Amit para makipagsargohan kay Korr sa unang singles at pagkatapos ay sina Park at Villarreal naman ang magtutumbukan sa pangalawang singles event.
Magtutuos naman sa 3-on-3 sina Amit, Park at Siming laban kina Laurance, Korr at Barrette.
(ARABELA PRINCESS DAWA)
