HATAW! D'yaryo ng Bayan hatawtabloid.com
TINAPOS na ng Talk N Text ang paghahari ng defending champion Purefoods Star nang talunin nito ang Hotshots, 79-66 sa Game Four ng best-of-five semifinals ng PBA Commissioner’s Cup.
What a comeback iyon para sa Tropang Texters na natalo sa Game One, 100-94.
Nakabawi sila sa Game Two, 92-77 at nagwagi din sa Game Three, 110-197.
Makakaharap ng Tropang Texters sa best-of-seven championship round na magsisimula sa Miyerkoles ang Rain or Shine na nauna na sa championship phase matapos na mawalis ang Meralco sa semis.
Well, dahil sa panalo ng Tropang Texters ay magiging top contender para sa Best Player of the Conference si Jayson Castro dahil sa sobra ang ganda ng mga numero nito. Katunayan, ito ang naging Best Player of the Game ng huling tatlong laro ng semis.
Si Castro ang siyang nagpahirap nang husto sa Purefoods. Hindi siya madepensahan, e.
Tunay ngang minana niya ang puwestong binakante ni Jimmy Alapag na siya ngayong team manager ng Tropang Texters. Matagal din naman siyang naglaro sa anino ni Alapag. Pero ngayon ay siya na ang main local ng Talk N Text.
Katunggali ni Castro para sa Best Player of the Conference si Paul Lee ng Rain Or Shine.
At si Lee din naman ang siyang naging bida para sa Elasto Painters sa semifinals kung saan winalis nila ang Meralco Bolts. Hindi rin mapigilan ang tinaguriang “Angas ng Tondo.”Kapag ginusto niyang pumuntos, kahit sino pa ang humarang ay walang magagawa!
Sa totoo lang, sina Castro at Lee lang talaga ang mapagpipilian.Parang wala nang ibang naging standout, e.
Kaya nga kung ang pumasok sa Finals ang Purefoods, wala ulit na Hotshot na magiging Best Player of the Conference. Kasi, parang parehas ang numero ng mga locals samantalang angat si Denzel Bowles.
E noong isang taon nga ay naka-Grand Slam ang Purefoods (San Mig) Coffee pero hindi sa kanila nagmula ang Most Valuable Player dahil sa team effort talaga ang kanilang ipinamalas. Ngayon pa lang tiyak na nagpupustahan na ang mga magkaibigan at magkaribal kung sino kina Castro at Lee ang Magiging Best Player of the Conference.
ni Sabrina Pascua
