Feng Shui: Kama nakaharap sa salamin

ANG salamin na direktang nakaharap sa kama ay magpapahina sa iyong personal na enerhiya sa panahong higit mo itong kailangan: sa gabi habang ang iyong katawan ay nagsasagawa ng repair work.

Ang salamin na nakaharap sa kama ay sinasabi ring nagdudulot ng enerhiya ng third party patungo sa inyong intimate relationship.

Ang ibig sabihin ng salamin na nakaharap sa kama, ay makikita mo ang iyong katawan sa salamin habang ikaw ay nakahiga sa kama.

Kung nakikita mo ang iyong katawan sa free standing mirror, maghanap na lamang ng ibang mapagpupuwestuhan nito.

Kung mayroong mirrored closet doors, ang solusyon ay lagyan ito ng kurtina sa gabi. Pagsapit sa umaga ay maaari na itong hawiin.

Ang isa pang solusyon ay alisin ang salamin at palitan ang closet doors.

Kung may furniture na may salamin, maaari mo itong iposisyon sa ibang anggulo.