‘Sexy ako ‘pag nakahubad’—Lilo

Kinalap ni Tracy Cabrera

SA pananaw ng kontrobersyal na celebrity Lindsay Lohan, nararamdaman niyang mas seksi siya kapag halos wala siyang saplot na suot sa kanyang katawan.

Nagawang maghubo’t hubad ang 28-anyos na aktres para sa Homme Style magazine, para ipakita ang kabigha-bighaning katawan at alindog sa ilang daring ensemble—kabilang na ang black leather corset, knickers at mahahabang matching gloves. At habang okay na rin para sa kanya ang iminodelong madilim at seksing ensemble, inihayag din ng bituin ng Mean Girls series na mas gusto niya ang feminine look.

“Hubo’t hubad at suot ang Chanel No.5!” kumindat pa sa kanyang panayam sa Homme Style nang tanungin kung saan mas ‘feeling sexy’ siya, at dagdag pa, “Hindi ako mahilig sa panty at bra. Lace ang the best, at ramdam ko na maganda ako kapag nakasuot ng night slip. It’s fun to be girly and womanly.”

Habang inaakusahan din si Lohan ng pagdodoktor ng kanyang mga Instagram photo para magmukha siyang mas balingkinitan kaysa aktuwal, wala pa rin duda na super sexy siya sa kanyang Homme Style shoot.

Sa tanong kung paano niya napapanatili ang kanyang magandang hugis, inilahad ni Lohan na mas gusto niyang nasa labas sa open air kaysa mag-workout sa loob ng gym, at binanggit din naman niya ang pagkakaroon ng good genes bilang factor para sa pananati-ling nasa tip-top shape.