HATAW! D'yaryo ng Bayan hatawtabloid.com
Si Carmela ang pinag-asikaso ni Mang Pilo kay Mr. Mizuno. Nagmistulang waitress ang dalaga. Sinilbihan nito ng malamig na tubig ang may-ari ng pabrika. Na matapos makakain ay ipinagtimpla pa ng kape. At ang babae rin ang nag-imis sa mesang pinagkainan ng Hapones.
Ayon kay Mr. Mizuno, magandang babae raw si Carmela. Sinangayunan iyon ni Mang Pilo na nagsabing virgin pa ito. Palibhasa’y sa wikang Ingles nag-usap ang dalawang lalaki, hindi nito naintindihan iyon.
“Paano kong malalaman kung totoong virgin pa nga siya o hindi na?” ngisi ni Mr. Mizuno.
Malakas na halakhak ang naging sagot ni Mang Pilo.
Bandang hapon, umalis sa pabrika si Mr. Mizuno lulan ng pribadong helikopter na pinalipad ng kanyang personal pilot.
Pero mula noon, halos naging lingguhan na ang pagpunta-punta ni Mr. Mizuno sa isla. At nahulaan agad ni Digoy ang dahilan niyon.
“Kursunada si Carmela ng kunehong pon-jap,” sa loob-loob niya.
Tama ang kanyang kutob. Punumpuno ng malisya ang mga mata ni Mr. Mizuno kapag kaharap nito ang Carmela. At nang minsang hindi ito nakapagpigil sa panggi-gil ay tinapik ang pwet ng babaing itinata-ngi niya. Sa pagkagulat, nabitiwan ng dalaga at nagkabasag-basag sa sahig ang platong pinagkainan ni Mr. Mizuno. (Itutuloy)
ni Rey Atalia
