HATAW! D'yaryo ng Bayan hatawtabloid.com
(NEWSER) – Palaging magkakapareho ang mga kasuotan ng Bini sisters, gayondin sa ayos ng kanilang buhok, pahayag ni Ariadne Durante, wedding planner na dumalo sa nakaraang kasal ng triplets, ayon sa ulat ng USA Today.
Kaya naman, magkakapareho rin ang estilo ng kanilang wedding gown sa kanilang pagharap sa altar sa Passo Fundo, Brazil, noong Marso 21.
Bukod sa magkakaparehong wedding dress na suot nina Rafaela, Rocheli, at Tagiane Bini, 29, magkakapareho rin ang ayos ng kanilang buhok, at makeup, bagama’t magkakaiba ang kanilang bouquets (gayondin ang kanilang groom).
Mahigit 600 bisita ang dumalo sa “one of a kind” ceremony, ayon sa ulat ng wedding photographer sa ABC News.
Dagdag ni Durante, tradisyon na sa pamilya ang pagpapakasal nang sabay-sabay at ang brides ay may mga kamag-anak ding nagpapakasal nang sabay-sabay noon pa man.
Ngunit kung sino ang pinakamagandang bride nang araw na iyon: sinabi ng mister ni Tagiane na si Eduardo, sa photographer, na si Tagiane ang “the most beautiful one,” bagama’t ibinunyag ng photographer na inamin ni Eduardo na napagkamalan niya si Rocheli bilang si Tagiane, na kanyang niyakap mula sa likod.
