HATAW! D'yaryo ng Bayan hatawtabloid.com
Kinalap ni Tracy Cabrera
INUNGUSAN ni Gabriel Cabrera si Lean Linao para masungkit ang inaugural ROK Shifter Senior Max Diesel crown sa simula ng 2015 Petron Blaze 100 ROK Karting Super Series sa Carmona Racetrack sa Cavite.
Sakay ng bagong ROK Shifter sa kauna-unahang pagkakataon, hinataw ni Cabrera ang oposisyon at hinawi ang hamon ni Linao para makopo ang top honors sa event na pinasok nitong nakaraang taon makaraang umani ng malakas na suporta sa Italy at iba pang bansa sa Europa.
Inilinya ang serye bilang bagong premier class para mapanatili ang mga Pinoy karter na makasabay sa world karting competition.
Napapuwesto sa ikalawang baytang sa Time Trials si Cabrera, ang 15-taon-gulang na Grade 10 student sa Makati Hope Christian School, sa pagtatapos niyang 44.048 segundo.
Kasunod nito, binalikan ng Seaoil karter ang Qualifying heat at pre-final na pina-ngunahan niya nang isang lap sa kanyang mga katunggali.
Sa make-or-break bid ni Linao, tinugon ito ni Cabrera ng matinding defensive moves para biguin ang dating kampeon at sungkitin ang top spot sa huling limang lap patungo sa pagwawagi.
Nakompleto ng 2014 Junior Karter of the Year ang 20-lap race sa 16 minuto, 29.360 segundo o 0.475 na lamang kay Linao. Pumangatlo si VJ Suba.
“Magandang simula ito. Pero marami pa tayong pag-aaralan sa aking pa-ngalawang karera bilang Senior Karter at gayon din ang pagmamaneho ng bagong ROK Shifter.
Kahit nanalo ako, ramdam ko na kaila-ngang maging pamil-yar ako sa bagong makina,” ani Cabrera.
