Ang Karibal ni Kevin kay Maybelle (Part 10)

NAKAKAPIKON, NAKAKINIT NG ULO ANG MGA BALITA SA EX NI KEVIN

mga kamay sa pagsasalita.

Sabog ang pagkalakas-lakas na halakhakan.

Hindi lang iyon ikinatulig ni Kevin, ikinapikon din niya.

“Pa’no mga tsong… kanya-kanyang garahe na tayo…” ang pasimpleng pagdispatsa niya sa mga kainuman.

Mistulang pampasaherong dyip na minamaneho ng driver na naghahabol sa boundery ang tulin sa paglipas ng mga araw. Hindi tuloy namalayan ni Kevin na mahigit isang buwan na siyang nagbuburo sa loob ng kanilang bahay, nalibang sa panonood ng sari-saring tema ng mga pelikula sa DVD, sa pagbabasa ng mga pocketbook, pakikipag-facebook at sa paki-kipag-chess sa matandang lalaking kapitbahay.

“Nakapanganak na pala ang ex mo, oy! May junior na sa kanya si Nonito…” ang sabi ng retiradong barbero na kalaro niya ng chess.

“Ano’ng paki ko ro’n, Tata Ipe?”dabog niya sa pagsusulong ng pawn sa chessboard.

Nang araw na yaon, pinagbigyan ni Kevin ang paglalambing ng mga kapatid na sa labas sila manghalian ng buong mag-anak. Hindi sadyang namataan niya sa pagbaba ng kanilang bahay ang isang multi-cab ng barangay. Nasa tapat iyon ng gate ng pitong palapag na gusaling ipinamana ni Mang Ong kay Nonito. May kung anong lulan iyon na inuusyoso ng mga tagaroon. Pero hindi masyadong napokus doon ang kanyang atensiyon.Tiyempo kasi iyon sa pagdaraan ng namamasaherong taksi.

Alistong nagsakayan sa hulihang upuan ng taksi ang tatlo niyang nakababatang kapatid. Nakisiksik doon ang kanyang ina.

(Itutuloy)

 

n Rey Atalia