HATAW! D'yaryo ng Bayan hatawtabloid.com
BINAWIAN ng buhay ang tatlong paslit na magkakapatid makaraan malason sa inulam na karne ng pawikan sa Brgy. Liang, Irosin Sorsogon kamakalawa.
Ayon kay PO3 Ronnie Dollentas ng PNP Irosin, nabili ng mag-asawang Pio at Teresa Alon ang karne ng pawikan sa isang Norman Gacias, isang fish vendor mula sa Matnog.
Iniluto ng mag-asawa ang karne at ipinakain sa mga anak na sina Juvelyn, isa’t kalahating taon gulang; Jose Bernard, 5, at Jacob.
Kinaumagahan, isinugod ang buong pamilya sa Irosin District Hospital dahil sa pagsusuka at matinding pananakit ng tiyan.
Ngunit idineklarang dead on arrival ang bunsong si Juvelyn habang hindi na umabot nang buhay sa paglilipatang Sorsogon Provincial Hospital ang dalawa pa.
Nakalabas na ng ospital ang mag-asawa.
Iniimbestigahan pa ng pulisya ang insidente.
(JETHRO SINOCRUZ/BETH JULIAN)
