HATAW! D'yaryo ng Bayan hatawtabloid.com
IBANG klase talagang mag-interbyu si Antony Taberna. Paano’y napapaamin niya ang ilang artista sa mga bagay na hindi pa alam ng publiko. Tulad ngayong Huwebes, Agosto 7 sa kanyang show na Tapatan ni Tunying, napaamin niya si Enchong Dee ukol sa gusto na nitong magka-anak.
Ang pag-amin ay kasunod ng pagbabahagi ni Enchong sa publiko na mayroon na siyang non-showbiz girlfriend kaya naman nasabi ng actor na sumagi sa isip niya ang magkaroon ng anak.
Pero bago mag-react ang marami, nilinaw ng 25-anyos na aktor na hindi pa siya handa para sa buhay may asawa.
“’Yong pag-aasawa, hindi ko pa iniisip. ‘Yong anak ang iniisip ko. Isang umaga, gumising ako at sabi ko, ‘Parang kailangan ko nang magkaroon ng anak,’” sabi niya.
Nang tanungin kung papayag kaya ang nobya niya sa ganitong sitwasyon, pabirong sagot ni Enchong, ”Eh kung gusto niya, eh ‘di game!”
Ibinahagi rin ni Enchong na gusto niyang magpakasal kapag tumuntong na siya sa edad na 32.
Bongga ang kanilang usapan hindi ba?! Ilan lamang iyan sa mga ibinahagi ni Enchong kay Ka Tunying. Kaya kung gusto n’yo pang malaman ang iba pang sikretong ibinahagi ni Enchong, huwag palampasin ang Tapatan ni Tunying ngayong Huwebes (Agosto 7), 4:00 p.m. sa ABS-CBN Kapamilya Gold.
mari
