HATAW! D'yaryo ng Bayan hatawtabloid.com
ni James Ty III
HINDI na mapipigil ang pagbabago ng imahe ng dating teen star na si Roxanne Barcelo.
Noong Linggo ay nakita namin si Roxanne na seksi ang suot na damit habang kasama niya ang boyfriend na si Will DeVaughn sa SM Mall of Asia Music Hall habang kasali si Will sa NBA 3x Celebrity Event.
Dating kilala si Roxanne sa kanyang sweet image nang siya’y naging mainstay ng ilang mga teen show ng GMA bago siya sumali sa ilang mga reality shows tulad ng Pinoy Big Brother at Amazing Race.
Sa aming pakikipag-uusap kay Roxanne, sinabi niyang suportado ni Will ang pagbabagong-imahe niya dahil dating naging sexy model si Will bago siya sumali sa PBB na naging hudyat sa kanyang pagpasok sa showbiz.
Naging cover girl si Roxanne sa ilang mga magasing panlalaki tulad ng FHM at kumanta siya sa victory party ng 100 Sexiest ng FHM.
Bukod sa kanyang seksing imahe ay nagbago rin ang estilo ng pagkanta ni Roxanne. Ginagamit na niya ngayon ang pangalang Roxee B bilang bagong screen name.
“I’ve written a lot of songs and Jay-R is helping me produce my songs,” say ni Roxanne sa amin. ”I love R&B music and that is my style of performing now.”
