HATAW! D'yaryo ng Bayan hatawtabloid.com
ni Pilar Mateo
MAY mga sikreto sa likod ng mga ngiti ni Gerald Anderson sa pangungulit namin sa kanya sa sagot niya sa tanong namin kung magsasama na ba sila ng girlfriend niyang si Maja Salvador sa isang proyekto sa TV man o sa pelikula.
Ang say kasi ni Gerald, “As much as possible, ayoko!”
Isa o dalawang rason kaya kung bakit?
“Basta lang, secret. Basta as much as possible ayaw ko siya maka-trabaho.”
Hindi maibulalas. Pero happy naman siya na marami ang happy sa muli nilang pagsasama ni Kim (Chiu) sa isang commercial ng kape na nagsama-sama ang mga mag-ex.
At kung may possible project daw for him and Kim eh, open naman siya sa possibilities.
“Matutuwa naman kami kasi para sa mga supporter namin. It’s been a long time. At nagpapasalamat kami na nagawa naming mapasaya pa rin sila. Maganda naman ang concept ng ad. Basta ako, open sa lahat ng projects. Trabaho ‘yun, eh.”
And there are exceptions to the rule!
Maurirat nga si Maja!
Zoren at Jairus, nagka-problema
(LONGBOARDING is the act of riding on a longboard skateboard. A longboard is greater in size (both length and width) than its smaller counterpart, the skateboard, and has more stability, traction and durability due to lower wheel durometers (measures of the hardness of the material).
Tungkol sa relasyong mag-ama ang tatalakayin ng matutunghayang episode sa MMK (Maalaala Mo Kaya) sa Sabado, June 21, 2014 sa primetime sa ABS-CBN, na tatampukan nina Zoren Legaspi (as Bibi) at Jairus Aquino (as Dandoy).
Walang ibang pangarap si Bibi para sa kanyang anak kundi ang makatapos ng pag-aaral. Pero masusubok ang relasyon ng mag-ama sa sandaling mahilig sa longboarding si Dandoy na magiging dahilan para ito matigil sa pag-aaral. Dito magtatalo ang mag-ama kung sino sa kanila ang nasa tamang disposisyon.
Magsisiganap din sa nasabing episode sina Yved Flores, JB Agustin, Assunta de Rossi, Joe Vargas, Marc Solis, at Lance Lucido (bilang batang Dandoy). Mula sa direksiyon ni Raz dela Torre, panulat nina Mark Duane Angos at Arah Jell Badayos at saliksik ni Akeem Jordan del Rosario. Na pinamumunuan ng business unit head na si Malou Santos, production manager na si Roda dela Cerna at executive producers na sina Lindsay Anne Dizon at Fe Catherine San Pablo.
MMK continues to soar higher as the longest-running drama anthology in Asia.
