HATAW! D'yaryo ng Bayan hatawtabloid.com
ni Alex Datu
AS of this writing, hindi pa rin alam ng ordinaryong manonood ng telebisyon kung ano ang nangyari sa taping ng dance show ni Marian Rivera sa GMA-7 nang nagkasabay mag-guest sina Vilma Santos at Maricel Soriano. Dapat kasama si Alma Moreno dahil sikat din naman noon ang kanyang
Loveliness kaso may karamdaman daw ito.
Gaano kaya totoo ang tsika ng aming reliable source na mismong ang Diamond Star ang nagpasabi sa production staff ng dance show ni Marian na ayaw nitong makasama sa eksena ang gobernadora ng Batangas? Kaya maraming nag-iisip kung hindi pa sila nagkaayos sa kanilang ‘away’ noon na ang ugat umano ay ang naging asawa ni Edu Manzano.
Siyempre, una si Ate Vi at nagkaroon nga sila ng Lucky at sumunod na pinakasalan ni Edu ay si Maricel na hindi nagbunga ang kanilang pagmamahalan.
Ayon sa aming source, kaya raw nagkaroon ng ‘away’ ang dalawa ay dahil sa cold treatment na ibinigay ni Maricel kay Lucky sa tuwing dumadalaw daw ito sa kanyang Daddy Edu. Nakarating daw kay Ate Vi ang hindi magandang pakikiharap ni Maria sa anak nito kaya masama ang loob nito kay Maria.
Well, nagiging curious tuloy kami kung magkaiba ang production number o silang dalawa sa iisang production number dahil base sa trailer, parang lumalabas na magkasama sa iisang number ang dalawa.
Abangan na lang natin ang pangyayari.
