Bitay sa Pinoy 2 pa habambuhay (Sa espionage, economic sabotage)

HINATULAN ng bitay ang isang Filipino nitong Abril 30 ng Qatari court bunsod ng kasong espionage at economic sabotage, habang dalawa pang kababayan ang hinatulan ng habambuhay na pagkabilanggo sa kaparehong asunto, ayon sa ulat ng Department of Foreign Affairs (DFA) kahapon.

Sa press briefing sa Manila, sinabi ni Foreign Affairs spokesman Charles Jose, may abogado na umasiste sa mga Filipino sa paglilitis ng lower court at ang hatol ay iniapela na sa Qatar court nitong Mayo 4.

“Our embassy will continue to extend assistance to them as long as necessary,” pahayag ni Jose bagama’t hindi binanggit ang pagkakakilanlan ng mga hinatulan.

Ang hinatulan ng kamatayan ay empleyado ng state-owned company habang ang dalawa ay technicians sa military base, dagdag pa ni Jose.

Wala nang ibang detalyeng ibinigay si Jose, ngunit ayon sa ulat ng Qatar-based Doha News, ang tatlo ay napatunayang guilty sa pagpasa ng military and economic secrets sa Philippine government.

“One man, reported to be a lieutenant in the Philippines state security force working as a budgeting and contracting supervisor at large state-owned Qatari company, received the death penalty late last month, while the other two men – technicians working with the Qatar Air Force – were given life sentences in prison,” ayon sa ulat.

Nabatid pa sa Doha News, ang tatlo ay kinasuhan bunsod ng pagbibigay ng impormasyon “to intelligence officials in the Philippines about Qatar’s aircrafts, weaponry, maintenance and servicing records, as well as specific details about the names, ranks and phone numbers of staff members.”

“Additionally, details about a major Qatari company’s investment projects and upcoming contracts are also alleged to have been leaked,” dagdag pa sa ulat.

Inihayag ng main defendant, ayon pa sa ulat, ang tatlo ay tumanggap ng milyong Riyals kapalit ng kanilang spying services.

HATAW News Team