HATAW! D'yaryo ng Bayan hatawtabloid.com
ni Roldan Castro
GUMAGANAP si Ai Ai Delas Alas sa Dyesebel bilang sirenang si Banak.
First time ni Ai Ai na gumanap bilang isang sirena.
“Muntik na akong malunod, nakakaloka! Sanay kasi ako sa five feet, tapos inilagay ako sa 10 feet, kaya ayun. Glug, glug, glug!”
Pero nilinaw ni Ai Ai, hindi siya sa mismong taping muntik ng malunod.
“Hindi, hindi sa training ko. Pero nakuha naman ako agad niyong (diving) instructor, as in mabilis niya akong nakuha.”
Ayon rin sa mga taga-ABS-CBN, kompleto sila sa mga diver at first aid staff during their Dyesebel taping para masiguro ang kaligtasan ng lahat ng mga artista.
Sey pa ni Ai Ai, hindi naging sagabal sa kanya ang malalaki niyang dibdib sa paglangoy bilang sirena.
“Ay hindi, hindi sila naging pabigat. Sa tubig magaan sila, alam mo ‘yun, dahil sa buoyancy. Spell? Basta buoyancy,” sabay tawa.
At dahil magaganda ang mga aktres na kasama niya sa serye, natanong si Ai Ai kung ano ang feeling niya na napasama siya sa hanay nina Anne Curtis, Dawn Zulueta, Zsa Zsa Padilla , Eula Valdez?
“So pangit ako, ganoon?!
“Hindi, okay naman, kasi para ako ang naiiba.”
“’Yang si Anne, baby ko ‘yan, kaya masaya ako na magkasama kami ulit.”
Naging mag-ina sila sa pelikulang Ang Cute Ng Ina Mo noong 2007. Pero siya ang may pinakamalaking dibdib; doon ba niya ia-outshine ang ibang mga aktres na nasa Dyesebel?
“Hindi na, okay na ‘yun, hindi ko na sila ia-outshine.”
