HATAW! D'yaryo ng Bayan hatawtabloid.com
ni Peter Ledesma
BLOCKBUSTER ang blind item namin kahapon sa aming daily radio program na “Star na Star” sa DWIZ (882 khz). Siyanga pala, mas pinaaga na ang time slot ng show namin ni BFF Pete Ampolquio, Jr., at Abe “Papa Umang” Paulite kaya maririnig na kami from 1:30 to 2:30 pm.
Riot kasi sa katatawanan ang ibinigay namin na BI tungkol sa matabang TV host na chinorva ang alagang actor na sikat na sikat noong panahon niya sa kisame ng nangungunang TV network noon.
Ang alalay ni TV host comedian ang nagpakalat nito sa showbiz dahil siya ang kasama sa pag-akyat ng among host sa kisame.
Walang patid na ungol raw mula sa actor ang narinig ng nasabing PA at pagbaba ni TV host at actor sobrang pawisan ang dalawa.
Yes, payag na payag noon magpahada si medyo oslang aktor dahil nag-uumpisa pa lang siyang sumikat that time.
Clue, tsinito si mahusay na actor at married na at may mga anak. Samantala, ang komedyanteng TV host na ating tinutukoy ay nasa kabilang mundo na.
No more clue na gyud!
Got To Believe “#BestFairEver” Sa Makati Circuit Dinumog Ng Libo-Libong Fans
Pagbukas pa lang ng gate dakong 8:00 am, last March 2 sa Makati Circuit para sa handog na sorpresa ng ABS-CBN at ng Got To Believe para sa lahat ng G2b army members at mga Kapamilya na todo-todo ang suporta na ibinigay sa teleserye nina Kathryn Bernardo at Daniel Padilla at agad na silang dinumog.
Pila-pilang fans na ang pinasok para saksihan ang whole day event na “#BestFairEver” na lahat ay nag-enjoy nang sobra-sobra. Gabi na nang kami ay makarating sa nasabing affair at nasaksihan namin kung gaano karaming fans ang nasa loob ng Makati Circuit na pinanood ang mini-concert ng buong cast ng Got To Believe sa pangunguna ng hottest love team na sina Daniel at Kathryn. Iba talaga ang dating at karisma ni Daniel na halos sambahin na ng kanyang mga supporter. Sinasabayan talaga ang young actor ng lahat habang kinakanta ang isa sa kanyang hits, ang revival ng “Hinahanap Hanap Kita” na unang pinasikat ng Rivermaya.
Para lubos na mapasaya ang mga nag-effort na pumunta sa show nila kahit may kalayuan ang venue. Bumaba ng entablado si Daniel at ganoon rin ang ginawa ng kalabtim na si Kathryn na ‘yung popular song naman ni Aiza Seguerra na “Pagdating ng Panahon” ang inawit. Lalo na sa finale ng concert, na nag-duet sa kantang “Got to Believe” sina Kathniel na halos wala nang marinig dahil buong audience walang tigil ang sigawan at tilian sa kanila.
Paglabas naman namin ng venue marami ang nakaabang sa sasakyan nina Daniel at Kathryn na lahat ay naghihintay ng ngiti at kaway mula sa iniidolo nilang bagets stars. Present pala my BFF editor Pete A., ang mga labs natin at head ng Star TV na sina beloved Angel Roxy Liquigan at Sir Mico del Rosario. Tuwang-tuwa siyempre sa success ng kanilang mga alaga. Ngayong gabi na pala ang last Magical Night ng Got To Believe. Abangan ang maaari pang mangyari sa exciting love story nina Chichay at Joaquin sa the best at toprating teleserye nila na napapanood pagkatapos ng Honesto sa Kapamilya network. Pinarangalan ang dalawa ng GAWAD PASADO 2014 bilang “Dangal ng Kabataan.”
Congrats po, sa inyo gyud!
Maleta Ng Kapalaran Sa “Trip Na Trip” Sa Eat Bulaga
Mas lalo pang pinasaya ang “Trip na Trip,” isa sa mga segment sa Eat Bulaga na talagang tinututukan ng mga Dabarkads araw-araw nationwide. Yes, kagigiliwan talagang panoorin ang nasabing portion dahil walang lungkot-lungkutan dito kundi puro enjoyment ang hatid sa viewers. Talagang mai-entertain nang husto magmula kay DJ Joyce, sa super hunkies na Los Viajeros na sina Eduardo, Pedro at Diego at mga very funny na EB Dabarkads ay ‘di lang problema ang tanggal kundi bawas stress pa sa inyo. Siyempre happy, happy rin ang mga studio audience na napipiling maglaro dahil bukod sa nakikita sila sa TV ay kitang-kita na ine-enjoy nila ang bawat sandali ng pagsali nila sa Trip na Trip lalo pa’t nand’yan ang Los Viajeros na talagang nagpapakilig ng tanghali nila. Para lalong matuwa ang mga contestant ay mas pinalaki pa ng Eat Bulaga ang premyong ibinibigay nila para sa daily winner. Kapag ikaw ang wagi ay mamimili ka sa apat na maleta na ngayon ay may dagdag sorpresa pa. Yes aside sa 10K pataas ay pwede pa kayong manalo ng iba’t ibang gadgets tulad ng laptop o netbook etc.
