Vhong, suportado ni Lloydie

ni Roldan Castro

NAGSALITA na si John Lloyd Cruz sa pagkakadawit ng pangalan niya sa isyu kina Vhong Navarro at Cedrick Lee. Sinabi ng Home Swettie Home star na kilala niya si Cedrick dahil noong time na sila pa ni Shaina Magdayao ay naabutan niya raw ‘yung relasyon noon ni Vina Morales at ng nasabing kontrobersiyal na negosyante.

“Kilala ko ‘yun kasi nga when I was still with Shaina, parang inabutan ko pa ‘yung relasyon nila ni Vina, eh. Well, I don’t know kung ganoon kalinaw ‘yun pero nakikita ko siya (Cedrick) sa family gatherings nila (Shaina), parang on a regular basis, nakikita ko siya,” sey ni JLC.

“Tumatakbo na ang kaso nila, I think it’s best na huwag na lang akong magbigay ng kahit anong. . .kasi hindi naman importante ‘yun, wala na akong dapat sabihin tungkol diyan,” bulalas pa niya dahil sensitibo raw ang kaso.

“Ako naman, hindi nagkukulang ng pagsasabi sa kanya (Vhong) na ‘o, nandito ako’, kaming mga kaibigan niya. Regular kaming nakakapag-usap. Kanina, magka-text kami. Masayang-masaya ako na nakauwi na siya,” dagdag pa ni Lloydie.

Klinaro rin ng Home Sweetie Home actor ang tungkol sa lumabas na item na nakita raw sila ni Coco Martin sa isang bar.

“Nagkaroon kasi ng party after the trade event. May party ‘yung unit ni Deo Endrinal, ni  Sir  Deo and nagkita kami roon. Nag-catch up,” saad pa niya.