HATAW! D'yaryo ng Bayan hatawtabloid.com
NGAYONG Sabado, 9:00 a.m. ay tutukan ang Gandang Ricky Reyes Todo Na Toh (GRR TNT) sa GMA News TV dahil may interbyu sa tatlong sikat na babae si Mader Ricky Reyes.
Paano nga ba sila nagsimula sa kani-kanilang larangan? May sad experience ba sila noong nasa itaas at kilala na sila ng publiko?
Dadalawin ni Mader Ricky ang set ng Rhodora X para interbyuhin si Jennylyn Mercadona marami nang pingdaanan sa buhay mula nang magwagi bilang Ultimate Female Champion ng unang Starstruck Reality Search.
Bonus ang ilang sandaling pagpapaunlak ng kalabtim ni Jen na si Mark Herras na magsasaad ng kanilang masalimuot na galit-bating relasyon noong kanilang kabataan.
Ang ikalawang popular na babae na makakatsika ng host-producer ng GRR TNT ay ang Chinese singing superstar na si Wang Linna dumalaw sa kanyang mga kababayang Tsino na sa Pilipinas na naninirahan at nag-celebrate ng Chinese New Year. Sasamahan ng GRR TNT crew si Wang sa pagbabakasyon n’ya sa Movenpick Resort sa Mactan, Cebu.
Sa Japan naman itinanghal na supersinger si Marlene dela Pena. Roon din siya nakapagpundar ng kabuhayan. Pero, alin ba ang mas masarap pakinggan? Ang palakpak ng mga banyaga o ng mga kababayan? Ito ang isa sa mga tatalakayin niya with Mader.
Samantala, mapapanood sa show ang full coverage ng final at gala night ng mga nanalong Mr. and Ms. Sogo Hotel Ambassadors 2014 na ginanap sa Elements of Centris sa Quezon City noong Enero 30.
Lahat ng ito sa GRR TNT na prodyus ng ScriptoVision.
